Støttefunksjonar

Kjøkken

Alle avdelingane har spiserom med tilknytta avdelingskjøkken, der tørrmat blir laga til dagleg. Det er måltidsgrupper i alle avdelingane, for bebuarar som har glede og nytte av felles måltider.

Middagen vert levert kjølt 2 gonger pr veke frå eksternt kjøkken, og vert slutt-tilberedt på mottakskjøkken før servering. Eige kjøkkenpersonale har ansvar for denne prosessen. Frå mottakskjøkkena vert maten transportert i høvelege transportvogner/kasser ut til avdelingskjøkkena. Tørrmat vert levert ut til avdelingskjøkkena 3 gonger pr veke.

Kjøkkenkoordinator

Svein Håkon Johnsen, Tlf 54 45 43 04 evt. mobil: 489 90916.

Reinhald 

Kommunen si reinhaldsavdeling har ansvar for dagleg reinhald på sjukeheimen. Det er hovudsakleg faste reinhaldarar som vaskar på sjukeheimen.

Vaktmeister

Stord kommunale eigedom KF har ansvar for vaktmeisteroppgåver.

Fysio-/Ergoterapi samt logopedteneste

Fysioterapi og ergoterapi får vi frå Stord kommunale rehabiliteringssenter etter tilvisning. Eigne rutinar gjeld på rehabiliteringsgruppa.

Vaskeri

Sengetøy og frottè og liknande vert vaska ved Valen Vaskeri. Når det gjeld bebuartøy, er dette forskjellig frå avdeling til avdeling. I avdeling Backertunet vert tøyet vaska i eige vaskerom i kvar gruppe. I dei to andre avdelingane vert tøyet vaska på eige vaskeri som ligg på Knutsaåsen Omsorgsenter. Alt tøy skal vere merka med pasienten sitt namn, samt med nr ”12” , som er sjukeheimen sitt nr. for vask ved Valen vaskeri. Dette vert gjort for å sikre at tøy som blir lagt feil, kjem attende. Det er pasienten/pårørande sitt ansvar å merke tøyet. Alt tøy må kunne vaskast i maskin.

Dersom tøyet ikkje er merka, må pårørande ta det heim for vask. Dette gjeld mellom anna for korttidsbebuarar. 

Andre tilbod: 

• Tannlege (folketannrøkta) og tannpleiar har tilsyn og gjev naudsynt behandling.
• Frisør og fotpleiar til faste vekedagar.
• Røde Kors pasientvener besøker avdelingane éin gong i veka.
• Andakt kvar veke.