Unge og rus - førebyggjande tiltak på skulane

Stord kommune har valt å satsa på programmet "Unge og rus" som førebyggjande tiltak i grunnskulen.

"Unge og rus" er eit samarbeid mellom skulane, SLT-koordinatoren og Utekontakten. Programmet har fokus på born og unge sine haldningar og normer i forhold til alkohol. Tiltaka vert gjennomført på sjuandetrinnet på samtlege skular. Både lærarar, elevar og foreldre er involverte.

Sentrale pedagogiske verkemidlar i programmet er problembasert læring og bruk av informasjons- og kommunikasjonsteknologi (IKT).

Målsetjingar for Unge og rus:

Overordna målsetjing for "Unge og rus":

• Utsetja debutalder
• Senka alkoholkonsumet hos ungdom
• Hindra problemutvikling knytt til rus
• Hindra bruk av illegale rusmidlar

Målsetjing for elevane si deltaking:

• Styrka elevane si evne til refleksjon om haldningar til rus
• Styrka fellesskapet av jamaldringar sine haldningar til rus
• Gjera det lettare for elevane å seia nei til rus

Målsetjing for lærarane si deltaking:

• Styrka lærarane sin faktiske og opplevde kompetanse som verdiformidlarar
• Styrka kontakten mellom heim og skule

Målsetjing for foreldra si deltaking:

• Styrka fellesskapet mellom foreldra
• Styrka foreldra sin autoritet til å setja grenser når det gjeld born si utprøving av rusmidlar
• Styrke foreldra sin kompetanse til å snakka med borna om bruk av rusmidlar.

Til den offisielle nettstaden Unge og rus