Skulestart

Utgangspunktet er at borna startar i grunnskulen det kalenderåret dei fyller seks år. Skulen/kommunen vil sende brev til føresette som har barn som er opplæringspliktige. I brevet blir det opplyst om kvar ein skal møte, og tidspunktet for oppmøtet, og informert om kva slags rettar opplæringslova gir i samband med dette. Foreldra kan søkje om tidlegare eller utsett skulestart for eleven.

• Born som fyller seks år i kalenderåret
• Born som har fått utsett skulestart frå året før
• Foreldre som vil søkje om å få utsett skulestarten for barnet
• Foreldre som vil søkje om tidlegare skulestart for barnet

Eleven har rett til utsett skulestart dersom det etter sakkunnig vurdering frå pedagogisk-psykologisk teneste (PPT) er tvil om barnet har kome langt nok i utviklinga si til å starte på skulen. Utsett skulestart inneber skulestart det kalenderåret barnet fyller sju år.

Tidlegare skulestart inneber at barnet startar på skulen det kalenderåret barnet fyller fem år. For å få tidlegare skulestart må barnet fylle fem år innan 1. april. Det må liggje føre sakkunnig vurdering frå PPT.

Opplæringslova § 2-1

Du kan ta kontakt med skulen for å få hjelp til å søkje om tidlegare eller utsett skulestart. Du skal leggje ved sakkunnig vurdering.

• Fristen for å klage er tre veker frå du mottok vedtaket.
• I klaga gjer du greie for kva du vil ha endra og grunngjer dette. Kommunen kan gje rettleiing ved behov.
• Send klaga til den instansen som fatta vedtaket. Dei vil vurdere om det er grunn til å gjere endringar. Dersom vedtaket ikkje vert endra, blir klaga sendt vidare til kommunen sin eigen klageinstans, eller til Fylkesmannen i dei høve dette er klageinstansen.
• Du vil motta informasjon om klagebehandlinga når saka er ferdig.