Motorferdsel i utmark og vassdrag

Motorferdsel i utmark og vassdrag er regulert med sikte på å verne naturmiljøet og fremje trivsel. I hovudsak er bruk av motorkjørety til etablerte nytteformål (til dømes til redningsteneste, utmarksnæring og faste bustader) direkte heimla i lova, mens ferdsel til andre formål krev løyve frå kommunen. Merk at det likevel ikkje kan bli gitt løyve til turkøyring.

Personar som treng å bruke motorfarty eller luftfarty i utmark og vassdrag til formål som ikkje er offentleg godkjende nytteformål.

Det må søkjast om løyve for å bruke motorfarty eller luftfarty til formål som er spesielt nemnde (sjå lenkja til forskrift nedanfor). Det gjeld til dømes bruk av snøscooter

• der fastbuande vil påta seg køyreoppdrag (transport av funksjonshemma, transport av ved, tilsyn av privat hytte med meir) 
• der hytteeigar vil transportere bagasje og utstyr mellom bilveg og hytte

I unntakstilfelle og når særlege grunnar ligg føre, kan kommunen gi løyve til motorferdsel knytta til formål som forskrifta ikkje nemner spesielt. Søkjaren må ha eit særleg behov som ikkje kan dekkjast på annan måte, og som ikkje har med turkøyring å gjere. Kommunen vil gjere ei konkret vurdering. Behovet må vurderast mot eventuelle skader og ulemper. Det skal veldig mykje til før eit slikt løyve (dispensasjon) blir gitt.

Lov om motorferdsel i utmark og vassdrag

Lov om fritids- og småbåter §§ 38-40 (vannscootere)

Forskrift for bruk av motorkjøretøyer i utmark og på islagte vassdrag, sjå spesielt:

§ 2 (motorferdsel på bar mark)
§ 3 (motorferdsel på vinterføre)
§ 5 (bruk av snøscooter)
§ 6 (unntakstilfelle)
Forvaltningslova

Friluftslova

Kommunen (eller Fylkesmannen) gir informasjon om kva som er tillatt etter lov og forskrift, og kva det må søkjast om løyve til. Søknad om dispensasjon må vere skriftleg. Behovet må vere dokumentert og innehalde alle opplysningar som kommunen treng for å kunne ta stilling i saka.

Vedlegg somskal følgje søknaden:

Ved transport av funksjonshemma må legeattest vedleggjast
Ved transport til hytte må eigarforholdet dokumenterast 
Kart som viser køyretraseen/ landings- og lettingsstad for helikopter 
Eventuell dokumentasjon av særleg behov

Søknader blir behandla etter kvart og må sendas i god tid.

• Fristen for å klage er tre veker frå du mottok vedtaket.
• I klaga gjer du greie for kva du vil ha endra og grunngjer dette. Kommunen kan gje rettleiing ved behov.
• Send klaga til den instansen som fatta vedtaket. Dei vil vurdere om det er grunn til å gjere endringar. Dersom vedtaket ikkje vert endra, blir klaga sendt vidare til kommunen sin eigen klageinstans, eller til Fylkesmannen i dei høve dette er klageinstansen.
• Du vil motta informasjon om klagebehandlinga når saka er ferdig.