Av:
Stord kommune
Publisert:
09.09.2009
Innhold sist oppdatert:
Oppdatert:
20.05.2011
Kurs og opplæring
Investering i tryggleik er utan tvil den beste investeringa me kan gjera. Spørsmålet et ikkje kva det kostar, men kva me kan spara.
Kvart år døyr mellom 60 og 80 menneske i brann i Noreg. Brannar kostar det norske samfunnet fleire milliardar kroner kvart år. Talet for 2008 var 4,7 milliardar. For å bidra til å redusera desse tala, vil ei av Stord Brannvern sine viktigaste førebyggande oppgåver vera informasjons- og motivasjonstiltak retta mot innbyggarane i vår kommune.
Stord Brannvern har personell med høgt kunnskapsnivå når det gjeld brannvern.
Pris
- Undervisning for barn på dagtid er gratis
- Opplæring i grendelag og velforeninger kr. 1000,-
- For andre, etter avtale
Målgruppe
Grendalag, velforeiningar, private verksemder og kommunale einingar, skular og barnehagar.
Tema knytt til brannvern blir spesialtilpassa etter kunden sitt eige ynskje.
Stord brannvesen arrangerer også brannverneleiarkurs for brannvernleiarar.
Grendelag og velforeiningar
Me kan tilby "gratis" brannvernopplæring til grendelag og velforeiningar. Stord Brannvern stiller gratis, men me må be om å få dekka utgifter til materiell med kr. 1000,- per kurs.
Me ynskjer å tilby ei opplæring med enkel informasjon om dei mest vanlege brannårsakene, og kva som kan gjerast for å unngå dei. Me vil visa kor enkelt eit branntilløp kan stoppast berre ein har litt trening og kan bruka det ein måtte ha for handa. Dei som tar del i denne opplæringa vil, om dei ynskjer, få prøva ulike metodar for å sløkka brann, m.a. med pulver, skum, vatn og ullteppe.
Opplæringa tar inntil 2 timar og det kan,om ynskjeleg, bli gjennomført etter vanleg arbeidstid, fram til kl. 20.00. Dette kan og vera eit fint høve for naboar og venar til å koma saman til sosialt samvær og i tillegg betra branntryggleiken i lokalmiljøet.