Fysioterapi

Tenesta inngår som ein del av helsetilbodet i kommunen og blir gitt i samband med førebyggjande helsearbeid og ved behandling av sjukdom eller skade. Fysioterapitenesta er organisert i en kommunal og en privat del.

Fysioterapi - kommunalt tilbod

Målet med tenesta er at menneske med sjukdom, skade eller lyte som har eller står i fare for å få nedsett funksjonsevne, skal oppretthalde eller betre denne. Tiltak vert iverksett der det er naturleg for den enkelte. (Skular, barnehagar, heimen, institusjonar eller i våre lokalar på det kommunale rehabiliteringssenteret).

Fysioterapi - privatpraktiserande

Målet er at menneske med sjukdom eller skade skal vedlikehalde eller betre fysiske funksjonar.
Det private fysioterapitilbodet rettar seg hovudsaklig mot trening av fysiske funksjonar og kurativ behandling. Privat fysioterapi er knytt til fysikalske institutt.

Fysioterapi - kommunalt tilbod 

Personar som treng fysioterapi i samband med alderdom, nedsett funksjonsevne, sjukdom eller skade. Tenesta gjeld dei som ikkje kan koma seg til fysikalsk institutt og dei som har behov for omfattande tverrfaglege helsetenester.

Fysioterapi - privatpraktiserande 

Personar som treng fysioterapi i samband med alderdom,  nedsett funksjonsevne, sjukdom eller skade.

Fysioterapeuten eller legen din vil gjere ei undersøking og ei fagleg vurdering av behovet.

• Ergoterapitenesta
• Heimesjukepleia
• Sjukeheimane
• Fastlegar
• Skular og barnehagar
• PPT
• NAV Hjelpemiddelsentralen
• Servicmann
• Andre

Lov om kommunale helse- og omsorgstjenester m.m § 3-2

Folketrygdlova § 5-8

Lov om pasient- og brukerrettigheter kap. 7

Forskrift for sykehjem... § 2-1

Forskrift om habilitering og rehabilitering

Begrensninger i helsepersonells adgang til å motta gave ... (rundskriv) 

Tenesta kan bli gitt uavhengig av om ein bur heime eller på institusjon. Heimebuande kan få tilbod om fysioterapi i heimen dersom det av ulike årsaker ikkje er mogleg å bruke eit fysikalsk institutt. Ta da kontakt med kommunen for å få orden på dette.

Når behovet for behandling  er godkjent, ta kontakt med det enkelte instituttet eller med rehabiliteringsavdelinga i kommunen, slik at ein eventuelt blir sett på venteliste.

Søknadskjema for kommunal fysioterapi

Har du søkt helse- og omsorgstenester frå kommunen, kan du klage på avgjerda (etter pasient- og brukerrettighetsloven):

• Fristen for å klage er fire veker frå du tok imot vedtaket.
• I klaga beskriv du kva forhold du klagar på og grunngir dette. Kommunen kan gi rettleiing ved behov.
• Send klaga til den instansen som fatta vedtaket. Dei vil vurdere om det er grunn til å gjere endringar.
• Dersom vedtaket ikkje blir endra, kan du klage til Fylkesmannen.

Du kan også klage på sjølve utføringa av helsetenesta du får: 

• Send klaga til den instansen som yter tenesta, slik at ein har høve til å løyse saka på lågaste nivå.
• Dersom klaga blir avvist, eller kommunen meiner at rettane dine er oppfylte, kan du klage til Helsetilsynet i fylket.

Det er Eining for aktivitet og re/habilitering som har ansvar for den kommunale fysioterapitenesta.

Gå til einingssida for å finna kontaktinformasjon og anna informasjon om eining for aktivitet og re/habilitering

Trygda yter heil eller delvis stønad til dekking av utgifter til undersøking og behandling hos fysioterapeut. Stønad til fysioterapi blir berre gitt dersom fysioterapeuten har avtale om driftstilskot  med kommunen.

Pasienten betaler ein eigendel avhengig av diagnose. Behandling og transport til behandling er gratis for barn under 12 år. Vaksne og barn over 12 år må betale eigendel inntil dei har nådd beløpsgrensa for frikort frå folketrygda, dersom diagnosen ikkje gir rett til fri behandling.