Avlasting

Avlasting kan ytast overfor alle som har særleg tyngjande omsorgsarbeid. Tenesta skal gjere det mogeleg å oppretthalde gode familierelasjoner og ta vare på sosiale nettverk. Avlasting skal gi omsorgsytaren nødvendig og regelmessig frittid og ferie.

Det er fleire ulike måtar å organisere avlasting på og andre tenester kan i tillegg ha avlastande effekt. Kommunen legg vekt på å finne fram til hensiktsmessige og  individuelle tiltak i samråd med brukar og omsorgsytar.

Avlasting er retta mot alle som har særleg tyngande omsorgsarbeid.

For å få avlasting må den som har behov for omsorg,fylle vilkåret i i sosialtenestelova § 4-3. Vilkåret omfattar personar som ikkje kan ha omsorg for seg sjølv, eller som er helt avhengig av praktisk bistand eller personleg hjelp for å greie dagleglivets gjeremål. Avlasting er ei teneste etter sosialtenestelova § 4-2b.

Bestemmelsen omfattar til vanleg ikkje barn sine behov, men enkelte funksjonshemma barn kan ha eit så stort omsorgsbehov at dette overstig foreldrene si omsorgsevne. I slike tilfelle vil det foreligge ein hjelpeplikt; til dømes plikt til å tilby avlasting. 

Omsorgsarbeidet må ha eit visst omfang for at det skal bli vurdert som særleg tyngjande. I vurderinga legg kommunen vekt på følgjande:

• om søkjaren arbeider mange timer pr mnd med omsorgsarbeid
• om omsorgsarbeidet er meir fysisk eller psykisk belastande enn vanleg 
• om omsorgsarbeidet medfører mykje nattarbeid eller avbrot i nattesøvnen 
• korleis omsorgsarbeidet er fordelt over tid 
• om omsorgsarbeidet fører til sosial isolasjon og mangel på ferie/fritid 
• om søkjaren har omsorg for meir enn ein person 
• om omsorga klart overstig vanleg omsorg for barn på same alder
  

Du kan kontakte Kundetorget for å få hjelp til å søkje, eller du kan be andre hjelpe deg dersom du har behov for det. Dersom ein annan søkjer på vegne av deg, må vedkomande ha fullmakt.

Du finn søknadsskjema for tenesta i informasjonsboks oppe til høgre på denne sida.

Søknadene vert handsama fortløpande

Kundetorget tek stilling til og avgjer søknaden. Søkjaren, eventuelt verje eller nærmaste pårørande vert kontakta av sakshandsamar for å kartleggja bistandsbehovet.

Tildeling av tenester skjer etter individuell og fagleg vurdering. Søkjar vil få tilsendt skriftleg vedtak.

Du har rett til innsyn i dokumenta som vedkjem di sak. Du kan ta nærmare kontakt med Kundetorget dersom du ønskjer dette.

Du har rett til å klaga på enkeltvedtak. Klagefristen er 3 veker frå du har motteke melding om vedtak. Eventuell klage skal sendast Kundetorget. Dersom du ønskjer det, kan du få hjelp til å skrive klage i Kundetorget.

For vedtak etter Sosialtenestelova er det Fylkesmannen i Hordaland som er klageinstans.