Stord kommune sin Kulturpris

Komité for næring, miljø og kultur kan kvart år dela ut ein kulturpris til kulturarbeidarar, kunstnarar eller lag med tilknyting og forankring til Stord kommune. Kulturprisen vert gjeven for aktivitet og frivillig kulturarbeid over lenger tid eller for særleg fortenestefulle einskildtiltak.

Det er høve til å senda skriftlege framlegg om kandidatar til komité for næring, miljø og kultur. Medlemmar i komiteen kan og gjera framlegg om kandidatar.

Komiteen for næring, miljø og kultur gjer endeleg vedtak om kven som skal få prisen. Utdelinga skal gjerast kjend i lokalpressa.

Frist for å kome med framlegg til kandidatar vert annonsert på denne nettstaden og i bladet Sunnhordland.