Skogbruk

I Stord er det totale skogbruksarealet på om lag 47.000 daa, av dette er 42.000 daa barskog og 5.000 daa lauvskog. Innafor dette arealet ynskjer Stord kommune å tilretteleggja for aktivt, økonomisk skogbruk.
Skogen er viktig for folk til rekreasjon og friluftsopplevingar. Ein kan driva jakt, fiske og plukka bær. Det biologiske mangfaldet er og avhengig av eit veldrive skogbruk.

Sentrale oppgåver for SFLMK

• Handsaming av saker etter Lov om skogbruk.
• Forvaltning av skogfond og tilskot til skogkultur.
• Planlegging og godkjenning av skogsvegar.
• Rådgjeving og rettleiing innanfor skogskjøtsel.
• Informasjonsarbeid

Viktige aktørar i skogforvaltninga

Utanom SFLMK har Fylkesmannen i Hordaland ein sentral rolle i forvaltninga, der ligg det overordna ansvar for skogfondrekneskapen, fordeling av statlege tilskotsmidlar til kommunane og direkte fordeling av tilskot til skogsvegar og drift med taubanar og hest.Fylkesmannen driv og med rådgjeving, kompetansebygging og næringsutvikling.

Vestskog BA er ein samvirkeorganisasjon som er tilslutta Noregs skogeigarforbund. Hoved- oppgåva deira er kjøp og sal av tømmer. Vestskog har eigne folk som driv med driftsplanlegging og ordnar alt det praktiske rundt tømmerdrifter. Dei er største aktøren på tømmeromsetnad i regionen, men dei driv også med ei rekkje andre oppgåver som skogbruksplanlegging, næringpolitikk, kompetansebygging, utmarksforvaltning og næringsutvikling.