BPA- Brukarstyrt personleg assistanse

Brukarstyrt personleg assistanse er ein alternativ organisering av praktisk og personleg hjelp. Brukaren kan sjølv være arbeidsleiar eller andre kan få denne rolla på vegne av brukaren. Brukaren tilsett assistent og disponerer sjølv timene til sitt behov for bistand.

BPA er for personar som har eit omfattande bistandsbehov og som ønskjer høg grad av brukarstyring. Målet med tenesta er å bidra til at brukaren har eit aktivt og mest mogleg uavhengig liv trass behov for bistand frå andre. Ordninga omfatter også familier med barn som har omfattende bistandsbehov. 

Personar som ikkje kan ta omsorg for seg sjølv, eller som er heilt avhengige av praktisk eller personleg hjelp for å greie dei daglege gjeremåla.

Dette er ei lovpålagd teneste etter helse- og omsorgstenestelova.

Lov om kommunale helse- og omsorgstjenester m.m § 3-8

Lov om pasient- og brukerrettigheter kap. 7

Retningslinjer:
Brukerstyrt personlig assistanse (BPA) ... (rundskriv)

Du kan kontakte Kundetorget for å få hjelp til å søkje ,eller du kan be andre hjelpe deg dersom du har behov for det. Dersom ein annan søkjer på vegner av deg, må vedkomande ha fullmakt.

Du finn søknadsskjema for tenesta i informasjonsboks oppe til høgre på denne sida.

Søknadene vert handsama fortløpande

Kundetorget tek stilling til og avgjer søknaden. Søkjaren, eventuelt verje eller nærmaste pårørande vert kontakta av sakshandsamar for å kartleggja bistandsbehovet.

Tildeling av tenester skjer etter individuell og fagleg vurdering. Søkjar vil få tilsendt skriftleg vedtak.

Du har rett til innsyn i dokumenta som vedkjem di sak. Du kan ta nærmare kontakt med Kundetorget dersom du ønskjer dette.

Du har rett til å klaga på enkeltvedtak. Klagefristen er 3 veker frå du har motteke melding om vedtak. Eventuell klage skal sendast Kundetorget. Dersom du ønskjer det, kan du få hjelp til å skrive klage i Kundetorget.