Følgjande politiske saker skal opp i kommunestyret 16. februar 2012:
Forvaltningsrevisjon av institusjonstenesta for eldre og pleietrengande
Det er gjennomført forvaltningsrevisjon av institusjonstenesta for eldre og pleietrengande i Stord kommune. Saka har vore til drøfting i Kontrollutvalet som har gjort innstilling til kommunestyret i saka. Kontrollutvalet har merka seg at det ikkje er avdekka store feil og manglar, men utvalet peikar på at rapporten synleggjer at det vil vera utfordringa i tida framover mellom anna når det gjeld kapasiteten til institusjonstenesta.
I innstillinga vert kommunestyret mellom anna rådd til å vedta å be rådmannen syta for at fleire spesifikke tiltak vert sett i verk. Tiltaka gjeld samarbeid om pasientar som skal skrivast ut til kommunale pleie- og omsorgstenester, opplysing om klagehandsaming, sikra gjennomføring av planlagt utbygging, og bruk av avvikssystemet.
Møteinnkalling s. 6-36
Tilstandsrapport for grunnskulen i Stord kommune 2011
Det er fastsett i opplæringslova og privatskulelova at skuleeigarar pliktar å utarbeida ein årleg rapport om tilstanden i opplæringa. Denne saka har vore handsama i Komité for oppvekst og utdanning som har gjort innstilling til kommunestyret. Komiteen rår kommunestyret til å vedta følgjande innstilling:
- Kommunestyret føreset at rapporten vert teken opp på rektormøte, og at det er særskilt fokus på fag der resultata er i nedgong, eller svake i høve til andre kommunar.
- Ynskjer fokus på reknedugleik i småskulen, for å få redusert antal elevar i meistringsgruppe 1 på 5. trinn.
- Ynskjer tal bak veksten i berekna årsverk for undervisningspersonalet frå t.d. 2006/ til 2010/11.
Sjølve tilstandsrapporten saman med nærare saksutgreiing finn du i Møteinnkalling s. 37-71
Utbygging Langeland skule
Utbygging av Langeland skule kan du lesa om her
Tilskot til auke i barnehageplassar
Sæ barnehage søkjer om godkjenning for tilskot til 20 nye plassar med oppstart innan oktober 2012. Ein familie på Vikanes søkjer om oppstart av familiebarnehage med 10 plassar. I innstillinga rår Komité for oppvekst og utdanning kommunestyret til å godkjenna tilskot til 20 nye barnehageplassar i Sæ barnehage frå januar 2013.
Om kommunen kan sikra barnehageplass til alle som har rett til det frå hausten 2012, vil ein først ha oversikt over når opptaket skal gjerast i mars 2012. Komiteen ber difor kommunestyret om å koma attende til søknaden om familiebarnehage på Vikanes etter inntaket i mars.
Føresetnaden for tilskot er at barnehagane vert godkjent etter krav i barnehagelova med forskrifter og Forskrift om miljøretta helsevern i barnehage og skule.
Møteinnkalling s.81-86
Vurdering av kommunale eigedomar for eventuelt sal
Formannskapet har gjeve rådmannen fullmakt til å vurdera og eventuelt gjennomføra sal av ei rekkje kommunale eigedomar (liste over alle dei aktuelle eigedomane finn du i saksutgreiinga/møteinnkallinga). Sidan har Stord kommunale eigedom KF teke over rådmannen sine oppgåver når det gjeld sal av eigedomar. Styret i Stord kommunale eigedom KF rår kommunestyret til å godkjenna sal av følgjande eigedomar:
- Del av tomteareal i Sævarhagen (øvre del) del av gnr/bnr 25/18
- Del av tomteareal i Sæ gnr/bnr 27/656
- Del av tomteareal i Sæ/Skrivargarden gnr 27/657
- Bustadtomt(er) Stordø kis del av gnr/bnr 33/1
- Areal bak Bytunet del av gnr/bnr 38/186
- Tomt i Grunnavågen (med konsesjon for innsamling av bilar) del av gnr/bnr 53/33
- Tomteareal i Sætrevik/Høgåsen gnr 54/48
- Tomteareal i Skifteslono gnr/bnr 58/54 og del av gnr/bnr 58/236
- Nausttomtar på Huglo gnr 66 bnr 54 og 60
- Tomteareal i Rukjen del av gnr/bnr 58/307
Fleire detaljar finn du i møteinnkallinga s.87-118
Godkjenning av vedtekter for eigedomsskatt
Kommunestyret har vedteke å innføra eigedomsskatt på verk og bruk i Stord kommune i 2012, og å oppretta sakkunnige takstnemnder. Som oppfølging vert forslag til kommunale vedtekter for eigedomsskatt lagt fram for kommunestyret.
Vedtektene gjev retningsliner for førebuing og gjennomføring av taksering, omtaksering, overtakst m.m. I tillegg er det lagt opp til at kommunestyret gjennom vedtektene fastset terminar for innbetaling av skatten.
Møteinnkalling s.119-127
Oppstart rullering av kommunedelplan avløp
Styret for Stord vatn og avlaup KF konkluderer med at gjeldande kommunedelplan for avløp og vassmiljø er forelda og ikkje egna som styringsdokument for tenesta/fagfeltet. Dei rår difor kommunestyret til å vedta oppstart av arbeidet med rullering av planen.
Møteinnkalling s.128-129
Renovasjon endring av vedtekter for Stord vatn og avlaup KF
Stord vatn og avlaup KF ber kommunestyret om å vedta ei endring i vedtektene til føretaket når det gjeld renovasjonstenesta frå privat hushald.
Møteinnkalling s.130-133
Veg trafikk parkering - endring av vedtekter for Stord vatn og avlaup KF
I samband med overføring av tenestene for veg, trafikksikring og parkering til Stord vatn og avlaup KF, vert det lagt fram naudsynte endringar i føretaket sine vedtekter.
Møteinnkalling s.134-139
Lovpålagde samarbeidsavtalar mellom Stord kommune og Helse Fonna
I samband med innføring av samhandlingsreforma har det vore naudsynt å få på plass samarbeidsavtalar mellom kommunane og Helse Fonna. Eit utval har utarbeidd framlegg til overordna samarbeidsavtale med fire tenesteavtalar for områda: Oppgåve og ansvarsfordeling, innskriving, utskriving og beredskapsplanar. Samarbeidsavtalen vert lagt fram for kommunestyret.
Møteinnkalling s.140-199
Reglement for delegasjon av avgjerdsmynde frå Kommunestyret til andre folkevalde organ og rådmannen - Revidering
Revidert reglement for delegasjon av avgjerdsmynde frå Kommunestyret til andre folkevalde organ og rådmannen vert lagt fram for kommunestyret.
Møteinnkalling s.200-225
Eigedomsskatt for verk og bruk - Val av sakkunnig takstnemnd og ankenemnd
Kommunestyret i Stord kommune vedtok den 01.12.2011 å innføra eigedomsskatt for ”verk og bruk” i 2012. Av den grunn må det setjast ned ei sakkunnig takstnemnd. Kommunestyret vel medlemmer til takstnemnd.
Møteinnkalling s.226-228
Frivilligsentralen - val av ny styrerepresentant
Det vert val av ny styrerepresentant til Frivilligsentralen frå Stord kommune for valperioden 2011-2015.
Møteinnkalling s.229-232
Referatsaker
- Møteprotokoll frå møte i kontrollutvalet i Stord kommune 12.12.11
- Møteprotokoll frå møte i kontrollutvalet 30.01.12
- Protokoll frå styremøte i Stord kommunale eigedom KF 27.01.2012
- Styreprotokoll frå Stord vatn og avlaup KF 31.01.2012
- Møteprotokoll frå Rådet for funksjonshemma 17.01.202
- Møteprotokoll frå eldrerådet 16.01.12
- Oversendingsforslag til Kommunestyret fra Komite for oppvekst og utdanning
- Huglo bygdalag: Førespurnad om kjøp av Huglo barnehage
- Budsjett Stord kommunale eigedom KF 2012 - Sakframlegg og utgreiing for referatsak om budsjett Stord kommunale eigedom KF finn du her
Møteinnkalling s. 234-267 (Den siste referatsaka er ikkje med i møteinnkallinga - sjå lenke over)
Interpellasjon og spørsmål
- Interpellasjon frå Venstre til kommunestyremøtet 16.02.12 - undersøkinga Åpenhetsindeksen 2011
- Interpellasjon frå Venstre til kommunestyremøtet 16.02.12 - Openheitsplakaten
Møteinnkalling s. 268-276