Om SFO-tenesta

Skulefritidsordninga er eit tilbod før og etter skuletid til barn i 1. til 4. trinn og for barn med særskilte behov i 1. til 7. trinn.

Det er rektor på kvar skule som har ansvar for skulefritidsordninga, men kvar ordning har eigen leiar. SFO har fast grunnbemanning og eit opphaldsareal som legg til rette for leik og varierte aktivitetar.

Daglege opningstider er normalt mellom kl 06.45 – 16.15.

Elevar i grunnskulen.

Eleven må vere busett i kommunen.

Dette er ei lovpålagd teneste.

Opplæringslova § 13-7

Forskrift til opplæringslova

Inntak av barn vert gjort ved den enkelte skulen, og Samarbeidsutvalet er godkjenningsinstans. SFO-gruppene har faste vedtekter og inntakskriteria er felles for skulane.

Hovudinntaket skjer om våren og gjeld for eitt skuleår, eller til plassen vert sagt opp. Ein må søkja på nytt for kvart skuleår.

Søknadsskjema skal ikkje brukast til endring av plass. Då må ein ta kontakt med den aktuelle skulen.

Til søknadsskjema for SFO-plass

• Fristen for å klage er tre veker frå du mottok vedtaket.
• I klaga gjer du greie for kva du vil ha endra og grunngjer dette. Kommunen kan gje rettleiing ved behov.
• Send klaga til den instansen som fatta vedtaket. Dei vil vurdere om det er grunn til å gjere endringar. Dersom vedtaket ikkje vert endra, blir klaga sendt vidare til kommunen sin eigen klageinstans, eller til Fylkesmannen i dei høve dette er klageinstansen.
• Du vil motta informasjon om klagebehandlinga når saka er ferdig.