Av:
Nina Sørli
Publisert:
22.11.2011 09:53
Oppdatert:
22.11.2011 10:17
Parkering forbode mellom SKL og Bandadalen
Vegmynde i Stord kommune har vedteke å innføra parkering forbode på strekninga frå avkjørsle til SKL sin eigedom og fram til vegkrysset Bandadalen/Holevegen. Vedtaket trer i kraft frå den dato skilta er sett opp og avdekka.
Vedtaket er fatta med heimel i §28 Skiltforskrifta FOR - 2005 - 10 - 07 nr. 1219.
Det skal setjast opp forbodsskilt nr. 372 (bildet) på staden.
Grunngjevinga for vedtaket er at parkering langs denne vegstrekninga medfører problem med omsyn til fri sikt og såleis for den generelle trafikktryggleiken på staden.
I samband med utførig av vegvedlikehald er det også trong for plass til å kasta snøen til side under brøyting.
Politiet er samd i at det vert sett opp forbodsskilt på denne strekninga.