Avgiftsparkering i Sæ og bak Turnhallen

I Stord kommunestyre sitt møte 14.04.2011, sak PS 19/11 – Ekstraordinær budsjettrevisjon 2011 vart det mellom anna gjort vedtak om å innføra avgiftsparkering på offentleg parkeringsareal i Sæ og i parkeringshuset v/ Turnhallen, Øvre Borggata.

Heimel for innføring av avgiftsparkering er FOR 1993 - 10 - 01 nr. 921: Forskrift om offentlig parkeringsregulering og parkeringsgebyr § 2. Med heimel i forskrifta § 3 er avgifta sett til kr. 10,- fyrste time, deretter kr. 30 ,- resten av dagen. Brukarane kan nytta seg av sentralt plassert parkeringsautomat for mynt / kort på parkeringsplassane.

Ordninga med innføring av avgiftsparkering i Sæ og parkeringshuset v/ Turnhallen startar opp fredag 01.07.2011.

Særskilt parkeringskort

Kommunestyret har og vedtatt at det skal vera mogeleg å kjøpa årskort /halvårskort i kundetorget, Stord rådhus for nemnde parkeringsareal.

Pris 

Prisen på parkeringskort som gjeld på den kommunale parkeringsplassen i Sæ og i parkeringshuset ved Turnhallen vert:

• kr. 4000,- for årskort
• Kr. 2000,- for halvårskort

Nye tider for avgiftsparkering

Stord kommunestyre har også vedteke å utvida dei generelle avgiftstidene i  Leirvik sentrum frå 01.07.11. Dei nye tidene vert slik:

Mandag  til fredag:     kl. 07.00 - kl. 19.00

Laurdag:                      kl. 07.00 - kl. 17.00