Uteskule

Hystad skule- Uteskule
 

OVERORDNA MÅL FOR UTESKULE:

• Gjera elevane nyfikne og stimulera til undring.
• Fremja interesse og forståing for natur, kultur og friluftsliv gjennom aktivitetar og opplevingar.
• Utvikla positive haldningar og stimulera skaparevne gjennom varierte naturopplevingar.
• Auka sosial kompetanse gjennom fellesoppgåver og samvære.
• Auka kunnskap om natur og miljø.
• Betre helse, trivsel og læring gjennom fysisk aktivitet.

Uteskule betyr at skuledagen blir flytta ut i nærområdet til skulen.
Kvar veke har alle elevane på 1. - 4. trinnet kvar sin uteskuledag.
Elevane på 5. – 7. trinnet har uteskule om lag 1 gong i månaden eller når det høver inn i fag og tema.
Då tar me i bruk det store klasserommet som er utanfor skulen.
Hystad skule har eit unikt nærområde. Skogen er næraste nabo, og det er kort veg til sjø og vatn.

Uteskuleaktivitetane

 • er forankra i kompetansemåla for faga i Læreplanverket for kunnskapsløftet, og innhaldet er stort sett henta frå fagområda i norsk, matematikk, kroppsøving, kunst og handverk, naturfag og samfunnsfag
• er tilpassa dei ulike trinna
• har stort fokus på meistringsglede, fysisk aktivitet og fysiske utfordringar