Helsestasjon for ungdom

På helsestasjonen for ungdom kan du få råd og rettleiing om rus, røyk, alkohol, seksualitet, prevensjon, kjønnssjukdomar, psykiske problem, fysisk aktivitet og kosthald. På helsestasjonen for ungdom kan dei også hjelpe deg med å få kontakt med spesialist.

Helsestasjonen er ei delteneste til den vanlege helsestasjonsverksemda.

Alle tilsette har teieplikt.

Stad

Helsestasjonen held til ved Helsesenteret i Myro på Leirvik, og det er både lege og helsesøster til stades. 

Opningstid

Siste opningsdag før juleferien: 14.12.11. Oppstart etter nyttår: 04.01.12.

Døme på emne som du kan ta opp:

• Spørsmål om kroppen
• Hudproblem 
• Problem på skulen 
• Du kjenner deg trist og einsam 
• Parforhold 
• Seksualitet generelt 
• Homofili 
• Rus og rusmisbruk 
• Røyking og graviditet 
• Menstruasjonen 
• Slanking og etevanskar 
• Vonde opplevingar, til dømes seksuelt misbruk, vald/sjukdom i familien  

Helsestasjonen kan m.a. hjelpa deg med:

• Reseptar og anna behandling for helseproblem
• Tilvisingar til andre instansar i helsevesenet 
• Prevensjonsrettleiing og prevensjon 
• Prøvar - om du har kjønnssjukdomar 
• Gravitest  

Relatert informasjon på andre nettstader:

www.helsetilsynet.no - Uavhengig tilsynsmyndighet for helse- og sosialtenester
www.fylkesmannen.no - Tilsynsmyndighet for helsetenesta og helsepersonell
www.odin.no - Informasjon frå regjeringa og departementa
www.folkehelsa.no - Nasjonalt folkehelseinstitutt 

Ungdom opp til 20 år.

Kommunen pliktar å tilby helsestasjon- og skulehelseteneste til barn og unge under 20 år.

Lov om kommunale helse- og omsorgstjenester m.m § 3-2

Lov om pasient- og brukerrettigheter kap. 7

Forskrift om kommunens helsefremmende og forebyggende arbeid i helsestasjons- og skolehelsetjenesten §§ 2-1 og 2-3

• Dersom du meiner du ikkje mottek nødvendig helsehjelp frå kommunen, kan du etter kommunehelsetenestelova klage på dette til kommunen og deretter til Helsetilsynet i fylket.
• I klaga må du gi ein nærmare omtale av dei forholda det blir klaga over. Du bør opplyse om kva du ønskjer endra, og grunngi dette. Kommunen vil kunne gi deg rettleiing.
• Klaga skal sendast til den instansen i kommunen som har behandla saka. Dersom kommunen står fast på avgjerda si, skal klaga sendast vidare til Helsetilsynet i fylket. 
• Som mottakar av helsetenester kan du etter pasientrettslova også klage til Helsetilsynet på sjølve måten tenesta blir utførd på. Klaga skal først sendast til kommunen eller direkte til tenesteytaren slik at ein har høve til å løyse saka på lågaste nivå.