Ergoterapi

Ergoterapi har som hovudmål å fremme helse gjennom aktivitet og deltaking i kvardagslivet. Ergoterapeutane har fokus på korleis samspelet mellom menneske, aktivitet og miljø fungerer, og er opptatt av å utlikne eventuelle gap mellom omgjevnadane sine krav, og mennesket sine føresetnadar. Ergoterapeutane kan blant anna gje tilbod om kartlegging og opptrening av funksjon og tilretteleggje for aktivitet i kvardagen med kompenserande tiltak og/eller bruk av tekniske hjelpemidlar. Brukaren kan då få hjelp til utprøving, tilpassing , søknadsprosedyre og opplæring i bruk av hjelpemiddelet. I tillegg vil ein ergoterapeut kunne gi råd og rettleiing i høve til bustad og bilsaker for personar med nedsett funksjonsevne. Ergoterapeutane har og kunnskap om universell utforming.

Ergoterapeutane i Stord kommune tilbyr tenester til brukarar som av ulike grunnar har aktivitets- og funksjonsproblem i kvardagen, eller som står i fare for å få det.

Ein kan sjølv ta kontakt med ergoterapeutane, eller ein kan bli tilvist frå heimebaserte tenester, lege eller sjukehus. Ein vil bli kontakta om lag to veker etter søknaden er motteken, tenesta kan ha noko ventetid.

• Fysioterapitenesta
• Heimesjukepleia
• Sjukeheimane
• Fastlegar
• Skular og barnehagar
• PPT
• NAV Hjelpemiddelsentralen
• Servicemann          

  • Andre

Ergoterapi er ikkje ei lovpålagd teneste etter helse- og omsorgstenestelova. Tenesta utfyller fysioterapi og andre tenester som blir gitt der rehabilitering er formålet.

Lov om kommunale helse- og omsorgstjenester m.m § 3-2

Forskrift for sykehjem... § 2-1

Forskrift om habilitering og rehabilitering

Begrensninger i helsepersonells adgang til å motta gave ... (rundskriv)

Kommunen kan gi rettleiing til å søkje om ergoterapi.

Dersom andre søkjer på vegne av deg, må dei ha fullmakt.

Førespurnader til kommuneergoterapeut kan vere både skriftleg og munnleg frå brukaren sjølv eller frå samarbeidspartnarar.

søknad for kommunal ergoterapi

• Dersom det ikkje er mottatt nødvendig helsehjelp frå kommunen, kan dette etter kommunehelsetenestelova påklagast til kommunen og deretter til Helsetilsynet i fylket.
• Klaga må innehalde ein omtale av kva for forhold det blir klaga på. Den bør også innehalde ein omtale av kva ein ønskjer endra og ei grunngjeving for dette.
• Kommunen vil kunne gi rettleiing. Klaga skal sendast til den instans i kommunen som har behandla saka. Opprettheld kommunen avgjerda si, blir klaga vidaresend til Helsetilsynet i fylket.
• Som mottakar av helsetenester, kan det etter pasientrettslova også klagast til Helsetilsynet på sjølve måten tjenesta er utførd på. Klaga skal først sendast til kommunen eller direkte til tenesteytaren slik at ein gir høve til å løyse saka på lågaste nivå.

Det er Eining for aktivitet og re/habilitering som har ansvar for den kommunale fysioterapitenesta.

Gå til einingssida for å finna kontaktinformasjon og anna informasjon om eining for aktivitet og re/habilitering