Skulehelsetenesta

Tenesta er eit tilbod om helsetenester til alle skuleelevar under 20 år. Skulehelsetenesta gir råd og rettleiing, gjennomfører helseundersøkingar og vaksinasjonar. Når det trengst, kan tilvising vidare til anna helsepersonell som fastlege, tannlege eller ein spesialist gjerast. Skulehelsetenesta har også som oppgåve å fremje eit godt lærings- og arbeidsmiljø for elevane.

Korleis jobbar skulehelsetenesta?

Elevane kan få undersøking og samtale med lege eller helsesøster. Både eleven sjølv, føresette, lærarar eller andre kan ta initiativ til dette. Ein treng ikkje timeavtale for å ta kontakt. Enkeltelevar kan få tilbod om særskilt oppfølging, med støttesamtaler, kartlegging av vanskar osv. Tilvising til spesialisthelsetenesta skjer oftast gjennom fastlege, men skulehelsetenesta kan hjelpe til med å vurdere behovet, og samarbeider ofte med fastlegane når tilvising er aktuelt. 

Helsesøster og skulelege har gruppe- eller klasseretta aktivitetar, t.d. om tema som pubertet (barneskulen), sex og samliv (ungdomsskulen) eller psykisk helse (ungdomsskulen).

Alle elevar i grunnskulen får tilbod om vaksinasjon etter nasjonalt vaksinasjonsprogram.

Skuleelevar under 20 år 

Tenesta er gratis.

Kontakt med skulehelsetenesta er frivillig.

Helsesøster og skulelege har teieplikt, men vil ofte ha behov for samarbeid rundt enkeltelevar. Me samarbeider tett med foreldre og skule, og med ulike kommunale- og eksterne hjelpeinstansar. Samarbeid rundt namngjevne elevar skjer etter samtykke frå foreldre/evt. berre frå eleven sjølv.    

Lov om kommunale helse- og omsorgstjenester m.m. § 3-2

Opplæringslova kap. 9a

Pasient- og brukerrettighetsloven

Forskrift om kommunens helsefremmende og forebyggende arbeid i helsestasjons- og skolehelsetjenesten

Forskrift om miljørettet helsevern i barnehager og skoler m.v.

Klage på manglande helsehjelp

• Dersom du meiner du ikkje mottek nødvendig helsehjelp frå kommunen, kan du etter kommunehelsetenestelova påklage dette til kommunen og deretter til Helsetilsynet i fylket.
• I klagen skal ein oppgi kva ein ønskjer endra i vedtaket, og ei grunngjeving for dette. Kommunen kan hjelpe til med å skrive klagen.
• Klagen skal sendast til den instansen i kommunen som har behandla saka. Held kommunen oppe avgjersla si, blir klagen send vidare til Helsetilsynet i fylket.

Klage på manglande utføring av helsehjelp

• Som mottakar av helsetenester kan du etter pasientrettlova også klage til Helsetilsynet på sjølve utføringa av tenesta. Klagen skal først sendast til kommunen eller direkte til tenesteytaren, slik at saka kan løysast på lågaste nivå.
  

Kontaktinformasjon Førebyggande helsetenester:
Leiande helsesøster: Else Berit Støle
Tlf.: 53 49 69 84 
Fax: 53 49 69 07 
E-post: else.berit.stole@stord.kommune.no
Besøksadr.: Lønningsåsen 9B, Leirvik, 5417 Stord
Postadr.: Postboks 323, 5402 Stord
Opningstid: 08.15 - 15.30

www.helsetilsynet.no - Uavhengig tilsynsmyndighet for helse- og sosialtenester
www.fylkesmannen.no - Tilsynsmyndighet for helsetenesta og helsepersonell
www.odin.no - Informasjon frå regjeringa og departementa
www.folkehelsa.no - Nasjonalt folkehelseinstitutt