Parkering

Det er innført avgiftsparkering ved parkeringsplassane i Leirvik sentrum. Unntaket er parkeringsplassane i Borggata og Jens Hystadveg, og ved hurtigbåtterminalen. Det er i tillegg gratis parkering første time på parkeringsplassane på torget, ved teknisk bygg og i 3. etasje på Amfi.

Det er lagt til rette for heildagsparkering og langtidsparkering inntil 14 dagar ved parkeringsplassen i Sæ og i parkeringshuset bak Turnhallen.

Tidsrom for avgiftsparkering

Parkeringskort

Det er høve til å kjøpa parkeringskort i Kundetorget i rådhuset. Kort kan kjøpast heile året. Det vert ikkje øyremerkt faste plassar. Korthaldarar må finna plass der det til eikvar tid er ledig. 

Oversikt over parkeringsplassar i sentrum

Betalingssatsar knytt til parkering (avgift, gebyr og pris på parkeringskort)

Parkeringsgebyr

Stord kommune sine trafikkbetjentar patruljerer både i sentrum og i resten av kommunen. Ved parkering i strid med vegtrafikklova, trafikkreglane, parkeringsforskrifta eller skiltforskrifta, er det deira oppgåve å ileggja parkeringsgebyr eller tilleggsavgift. 

Du har høve til å klaga på ilagt gebyr eller tilleggsavgift. Klage skal framsetjast skriftleg, på eige klageskjema eller i vanleg brev. Klage på parkeringsgebyr eller tilleggsavgift

Ved feil på parkeringsautomat

Meld frå til kundetorget ved feil på parkeringsautomat:

Telefon: 53 49 66 00
e-post: kundetorget@stord.kommune.no

Hovudmål for parkeringsordninga i Leirvik sentrum

Stord kommunestyre har vedteke å leggja til grunn følgjande hovudmål for parkeringspolitikken i Leirvik sentrum:

• Parkeringspolitikken skal ha som mål å gjera sentrum lett tilgjengeleg for handlande, reisande, besøkande og andre som har ærend i sentrum.
• Det skal takast omsyn til funksjonshemma sine særskilde behov for parkering.
• Parkeringspolitikken skal vurderast i høve til grøntareal, energipolitiske og etiske omsyn.
• Skilting skal vera slik at det er minst mogeleg parkeringsrestriksjonar på kveldstid og i helgar.
• Det skal vera tilstrekkeleg med korttids parkeringsplasser i sentrumskjernen og langtids parkeringsplasser i ytre deler av sentrumsområdet.

Stord kommune har, i tillegg til politiet, myndighet til å handheva all stans og parkering av motorvogn på veg som er open for alminneleg ferdsel i Stord kommune. Stord kommune har òg løyve til å innføra avgiftsparkering, dvs. parkering mot betaling.