Barne- og ungdomsteaterfestivalen
Stord Teaterlag og Scenekunst i Sunnhordland, godt støtta av Hordland fylkeskommune, skipar kvart år til Barne- og ungdomsteaterfestival i Stord kulturhus. Festivalen er ein amatørteaterfestival for born og unge og har vore skipa til sidan 1985.
Falturiltu – nynorsk barnebokfestival
www.falturiltu.no
Den fyrste og einaste nynorske barnebokfestivalen i verda.
Opne førestillingar for born og vaksne, forfattarbesøk i skulen, barnelitteraturseminar, skrivekurs, konsertar og førestellingar og illustrasjonsutstilling. Falturiltu blei arrangert fyrste gong 2007.
Ansvarleg for festivalen er Stord kommune i samarbeid med Høgskulen Stord/Haugesund, Sunnhordland Museum, Stord Mållag, Noregs Mållag, Nynorsk kultursentrum og Det Norske Samlaget. I Stord kommune har folkebiblioteket, den kulturelle skulesekken og kulturskulen også vore involvert i arbeidet. Det administrative ansvaret ligg i Kulturtenester.
Ein eigen programkomité har hatt ansvaret for det faglege innhaldet. Festivalansvarleg er Kristine Thorkildsen.
Festivalen inneheld følgjande hovudaktivitetar:
- Opplesingar for skuleklassar gjennom Den kulturelle skulesekken
- Opplesing og forteljestunder for born utanom skulen – ettermiddag/kveld
- Teaterframsyning
- Fagseminar på HSH
- Forfattarkveldar
- Festkveld (Raltura) for dei vaksne med litterær og musikalsk underhaldning
- Konsert/framsyning av elevar i kulturskulen, basert på eit utval nynorske tekstar
- Sunnhordland museum
- Seniorprogram for dei eldste, Bok og beibi for dei yngste
Den nynorske bokfestivalen Falturiltu er støtta av Norsk kulturråd, hordaland Fylkeskommune, SKL, HSH og Stord kommune.
Andre festivalar på Stord
Handballfestivalen – årleg handballturnering i pinsehelga for barn og unge www.handballfestivalen.no
Før og no festivalen – Nostalgiske maritime dagar i Leirvik sentrum i jonsokhelga når det ikkje vert arrangert Stordfest.
Termosfestivalen – Ei årleg musikkhending i Museumsparken i juni
Stordfest – Seglskute og musikkfestival kvart tredje år i Leirvik hamn i jonsokhelga. Stordfest.no
Puttefestivalen – Fotballturnering for unge gutar og jenter siste helga i august
Øyofestivalen – Eit høgdepunkt for musikkinteresserte siste helga i februar på Høgskolen Stord-Haugesund. www.oyostord.com